ያባ ያባባ

ያባ ኣዪኪ ጋብ አይኣ

ዓንገክ ታብ አይኣ

ኦዶኒያል ጋብ አይኣ

ያባኣ ያናም ራካ ታኮይ

ያሓዪንም ሉካ ታኮይ

በአታ ያናም ዋጋበክ ጋሕቶይ

ሂኢና ያናም ጋባድ ጋሕቶይ

ሲን ጋባ ጋባጻይናም ኣቢጸ ዋይቶይ

ሲን ኒያ ራደ ዋይቶይ

ሲን ጊራ ባደ ዋይቶይ

ሲን ሲዲ ኣንኪሊበ ዋዎይ

ኣብባት ባዲ ሲናድ ኣዒተ ዋዎይ

ካሓንቶሊ ሲናክ ኣዕጺአ ዋዎይ

ገጺ ጎኦሖ ቡጻህ ሲናክ ቲላየ ዋዎይ

ቲታ ኪሒናም ቲታ ዋአ ዋይቶይ

ቲታ ኒዒባም ቲታድ ጻፊተ ዋይቶይ

ካሓንቶሊህ ኢልላ ቲካ

ናዓብቶሊክ ኢምባ ቲካ።

===

መዐ ማ~ሒ ማሖይ

ኡማ ደአሮ ቦደ ዋይቶይ

ኡማ ጺሞ ኦ~በ ዋይቶይ

ሲን ኢንቲ ኡማም ኣብለ ዋይቶይ

ሲን ኣይቲ ኡማም ኣ~በ ዋይቶይይ

ሲን ኢቢ ኡማድ ኣእዒተ ዋዎይ

ለለዕድ ካኣፊ ያይሶይ

ዳባናድ ካኣማኒ ያይሶይ

ኦዶኒያ ሪኢሶ ታኮይ

ዓራን ዳሩርታ ያክኮይ

ባጾ ካላዪቶ ታክኮይ

ዓራን ያንዳሎይ ባጾ ታብባጾይ

ዓራንኮ መዐም ኦብቶይ

ባጾኮ መዐም ቡኡልቶይ

ቡኡልታማድ መርዒቲና

ራድዳማድ ማዳፊቲና

ጻፎ ለም ዓራናድ ራዕቶይ

ኣናስ ለም ባጾህ ኣክኮብቶይ።

ኑላኣ ጋሓ ዳባን ያክኮይ

ዓዶ ባስካህ ዳባን ያክኮይ

ዓዶ ሓናኒህ ዳባን ያክኮይ

ዓዶ ሓኒህ ዳባን ያክኮይ

ባስካ ጋዕዳ  ታክኮይ

ሱባሕ ኢልላ ያክኮይ

ኢላው ዒንደ ያክኮይ

ማኣል ሑፉኡስ ያክኮይ

ኣዪኒ ዒትታ ታክኮይ

ዖክካት ሱባሕ ያክኮይ

ማልላባዲ ሱካት ያክኮይ

ዓዲላውቶ ዳባን ያክኮይ

ዳገ (ዳጋ) ዓዲላው ታኮይ

ኣጋጋ ኣንዳይዳ ታክኮይ

ጎሎ ዓደአላ ታክኮይ

ጎሎ ጎሎ ዳዊሶይ

ኣዓን ኣዓን ጋዊሶይ።

===

መዐ ማሒ ማሖይ

መዐ ኣቡን ያባራኮይ

መዐ ቃይሲ ያቃዳሶይ

መዐ ኑጉስ ያንጋሶይ

ኡሑሩሳይ ኢኒጊዳ ያኣ ኑጉሱህ ኒጎሮኒሶይ፤ ኣመን

ነጋዳይ ያንጋዶይ

ሓረስታይ ያሕራሶይ

ኢላው ሑሩስኮ ቦዶይ (ቡኡሎይ)

ፊትሒ ኑጉስኮ ኦቦይ

መዐ ታስታይ ያምፃማዶይ

መዐ ሳጋ ታምሓላኮይ

መዐ ዓውዲ ያምሓፋሶይ

ዓዋኒ ያላዮይ፤ ዓላዊ ያላዮይ።

===

ቡኑድ ታነም ኣብባት ባዲ ሲናክ ኣዲገ ዋዎይ

ኣህ ቡን ሳናህ ባሃይ ዪነ ካይረ ባሆይ

ሳናህ ደሳይ ዪነ ባኣላ ደሶይ

ቡን አድዐረ ዲኪድ ባኣላ ዐረ ዋይቶ

ኣጋኒ ባኣላ ኣጋናል ደሶይ

ጉቢ ባኣላ ጉባል ደሶይ

ዓፊያት ሮብ ባሊህ ኦቦይ

ዱርሪ ዐር ባሊህ ያምቃንጣጦይ

ኡማኒ ሲናድ ቦኦደ ዋይቶይ

መዓነ ሲናክ ኣዕጺአ ዋይቶይ

ቲላይተም ኡማነ ታክኮይ

ታሚተም መዓነ ታክኮይ።

ኣህ ቡን ቶሖአ ጋባ

ኣርደል ኣምክሲፈ ዋይቶይ

ኣከ~ራል ኣምኪሲሰ ዋይቶይ

ባዳል ዶኒክ ታሳላሞይ

ኣርደል ሶኒያ ታሳላሞይ

ገይቶ ኢፈይኮ ሳይቶይ

ዋይቶ ጎኦሖኮ ታውዖይ።

===

ኣጋቦድ(ሳይዮድ) ሖኦላ ጋሕቶይ

ላብሃድ ቁውዋ ጋሕቶይ

ኢርሪ ላብሃ ያክኮይ

ኣሞ~ባዕሊ ኣሞ ሓበ ዋዎይ

ዓሪ~ባዕላ ዓረ ሓበ ዋይቶይ

ባር ኣበኒም ባጻ ታኮይ

ለለዕ ኣበኒም ካይረ ታክኮይ።

===

ኣህ ቡን ታሓየሚህ ሊልላ ያክኮይ

በትታማህ ሲፋ ያክኮይ

ዓርራደሚህ ሳሮ ያክኮይ

ዑሉልተሚህ ፈሎ ያክኮይ

ላሑተሚህ መሕረት ያክኮይ

ካላሕተሚህ ጋሒማ ያክኮይ

ተንገዐሚህ ዋጋሮ ያክኮይ

ዒንጻማህ ዓር~ሳ ያክኮይ

ናባማህ ዳቢር ያክኮይ

ራብተሚህ ጋኣናት ያክኮይ/ጊራት ኣፋድ ጋሖይ

ታነሚህ ማዒል ያክኮይ

ዓረህ ባራካ ያክኮይ

ሲን ዳላይ ታሂዳ ያኮኦይ

ሲን ዱይየ ታሃምኮ ታምማንጎይ

ኣማም ተምበረከም ታክኮይ

ሲን ዱይየ ሲን ታኣዓጎይ

ሲን ዳላይ ሲን ያውራሶይ

ዓንጊ ያባሃሶይ

ሰጣን ያብራሶይ

ማላኪያ ታውራሶይ

ኡምቡካ ባኣላኮ ሲንራዒሶይ ኒራዒሶይ

ኣህ ቡኑል ኣብነም ኪን ዳድዖ

ቲዕሊሰህ ባዶድ ራደ ዋይቶይ

ቲሲሲከህ ዳጋ ኣንተበ ዋይቶይ

ኖኦኮ ራዕተም ማላኪያ አድ ኦስሶይ...

ኣመን ኣመን ኣመን!